Кукмара балалары "Урман аланында" дигән экология сәгатендә катнашты

Кукмара балалар китапханәче китапханәчесе Фидания Хамматова районның беренче гимназиясенең 2-3 сыйныф укучылары өчен «Урман аланында» дип аталган экология сәгате уздырды. Балалар өчен слайд рәвешендәге презентация уздырылды. Биредә алар урманның могҗизалы табигатенә, анда яшәүче җәнлекләр, кош-кортлар дөньясына сәяхәт кылдылар. Урманда үсүче гөмбәләр, җиләк-җимешләр турында кызыклы мәгълүматлар тупладылар. «Могжизалар тулы урман» дип аталган электрон викторинада көчләрен сынаштылар. Шулай ук, балаларга урманны саклау, ял итәргә баргач үз-үзеңне тоту тәртибе турында да искәрттеләр. Әлеге экологик дәрес китаплар күргәзмәсе белән тәмамланды.

фото: http://www.volonter-nn.ru/news/258/