Иске Юмья китапханәсендә балалар алма Спасы турында сөйләште

Анда кече һәм урта яшьтәге мәктәп укучылары чакырылган иде. Китапханәче балаларга әлеге бәйрәмнең килеп чыгышы, төбәкнең гореф-гадәтләре хакында сөйләде, халык сынамышлары, мәкаль-әйтемнәр белән таныштырды. Укучылар август аенда өч төрле Спас билгеләнеп үтүен белделәр. Аның беренчесе - балның беренче уңышы уңаеннан Бал Спасы, икенчесе Алма Спасы, ә өченчесе Икмәк яисә Чикләвек Спасы дип атала. Бу көнне балалар алмадан әзерләнгән төрле тәм-томнардан авыз иттеләр, уеннарда катнаштылар, үзләренең тәэсирләрен рәсемнәргә төшерделәр.

фото: http://www.chitalnya.ru/work/853244/