“Идеяләр ярминкәсе” быел да Кукмарада узды

Кукмараның иҗади үсеш һәм гуманитар белем бирү үзәгендә "Идеяләр ярминкәсе" дигән мультимедиа презентацияләре конкурсы узды. Дистанцион рәвештә быел икенче елын оештырылучы бәйгедә республиканың шәһәр һәм районнарыннан 100гә якын эш кабул ителгән иде. Укучыларның хезмәтләре дүрт номинациядә каралды.

Конкурста кукмаралылар да читтә калмады. Зур Кукмара урта мәктәбенең 7 сыйныф укучысы (җитәкчесе Л.Хаҗиева) "Экология-биология", ә Кукмараның иҗади үсеш һәм гуманитар белем бирү үзәгенең 11 сыйныф укучысы Алсу Садыйкова (җитәкчесе Г.Хәсәнова) өченче дәрәҗә лауреатлар булдылар.

фото: http://school107.mosuzedu.ru