Автоледи Кукмара-Саба юлында машинасы белән юл читенә төшкән

Кичә, 29 апрельдә, көндезге сәгать өченче яртылар тирәсендә, Кукмара-Байлар Сабасы юлының Югары Оштырма авылы янында юл фаҗигасе булды.

Район юл хәрәкәте иминлеге дәүләт инспекциясе начальнигы вазыйфаларын башкаручы Салават Баймиев сүзләренә караганда, "Ока" автомобиленең руле артында 22 яшьлек гүзәл зат булган. Автомобиль юл читенә төшә, ике кеше зыян күрә. Зыян күрүчеләргә һәлакәт урынында ук медицина ярдәме күрсәтелә.

Юлларда һәркемнең игътибарлы һәм сак булуын, юл йөрү кагыйдәләрен тиешенчә үтәүләрен сорыйбыз.

Рамил НУРГАЛИЕВ, Россия Эчке эшләр министрлыгының Кукмара районы буенча бүлегенең полиция начальнигы

фото: http://fedpress.ru