24 июль – Халыкара эрүчән кофе көне

Билгеле булганча, кофе - кофе агачында үскән бөртекләрдән ясала торган хуш исле һәм тәнгә көч бирүче эчемлек. Махсус технологик процесслар ярдәмендә, кофе агачының әлеге орлыкларын сусызландыралар һәм аңардан гранула, соңыннан порошок хәленә китереп, без һәр иртә куллана торган кофе ясыйлар.

Беренче эрүчән кофе моннан 112 ел элек уйлап табыла. Авторы - Чикагода яшәүче япон галиме Сатори Като була.

1938 елның 24 июленнән "Нескафе" кофесын җитештерү башлангач, Халыкара эрүчән кофе көнен дә билгеләп уза башлыйлар. Бу көнне кофе агачы үсә торган илләрдә төрле чаралар, бушлай кофе эчүләр оештырыла.