Яктышыбыз, режиссер Дамир Самерханов Дагыстан Республикасындагы театрларның берсендә "Әлдермештән Әлмәндәр" спектаклен сәхнәләштерде

Якташыбыз, Кукмара егете, Сабир Өметбаев исемендәге Минзәлә театры режиссеры Дамир Самерханов Дагыстан Республикасының Дербент шәһәрендәге Дәүләт театрларының берсендә эшләп кайтты.

- Мин анда Туфан Миңнуллинның “Әлдермештән Әлмәндәр” спектаклен сәхнәгә куйдым, - ди Дамир. - Әсәрдә үзгәрешләр күп булды: анда яшәүче халык – табасараннарның мәдәниятенә яраклашырга, аларның   җыр-биюләрен  кертергә  туры  килде. Спектакльнең ахырын да башкача төгәлләдем, Әлмәндәрне исән-имин, гаиләсе янында калдырдым, аңа тагын йөз ел гомер бүләк иттек. Соңгы мизгелдә Әҗәл Әлмәндәргә: “Син яшәргә тиеш!” - дип әйтә һәм кәгазьне ертып ташлый. Спектакль табасараннарның милли җыры белән төгәлләнә. Спектакльнең премьерасы сентябрь аенда булачак.