Хезмәт даны
  • Рус Тат
  • Вахит мәдәният йортында Рәмис Нигъмәтуллинны армиягә озату кичәсе узды (+Фото)

    Туган илебезне сакларга, якларга дип солдатларны көзге чакырылыш, армиягә озатулар башланып китте. 6нчы ноябрь көнне Вахит мәдәният йортында авылыбызның тырыш, акыллы, Рәдиф һәм Рашидә Нигъмәтуллиннарның уллары Рәмисне армия сафларына озату кичәсе үткәрелде. Кичәдә Рәмиснең әти-әнисе, туганнары, дуслары, авылдашлары, классташлары катнашты, алар булачак солдатка исәнлек-саулык, зур уңышлар, хәерле юллар теләделәр. Үзләренең...

    Туган илебезне сакларга, якларга дип солдатларны көзге чакырылыш, армиягә озатулар башланып китте. 6нчы ноябрь көнне Вахит мәдәният йортында авылыбызның тырыш, акыллы, Рәдиф һәм Рашидә Нигъмәтуллиннарның уллары Рәмисне армия сафларына озату кичәсе үткәрелде. Кичәдә Рәмиснең әти-әнисе, туганнары, дуслары, авылдашлары, классташлары катнашты, алар булачак солдатка исәнлек-саулык, зур уңышлар, хәерле юллар теләделәр.

    Үзләренең җылы тәбрикләүләрен җырчылар - Вахит мәдәният йортының сәнгать җитәкчесе Шамил Шәфигуллин, Казан мәдәният һәм сәнгать институты студенты Нияз Кәримуллин, Арча педагогия көллияте студенты Рәмзил Галиуллин, авылыбыз сандугачы Рәйхан Газизуллиннар, гармунчылар-Рамил Шигапов, Рамазан Мотыйгуллиннар җиткерде. Бу кичәне алып баручы, КФУ студенты Дилә Мотыйгуллина тамашачыларга үзенең матур шигырьләрен, изге теләкләрен җиткерде. Озату кичәсе төрле кызыклы уеннар, авыл яшьләре белән җырлап үрелеп барды. Вахит мәдәният йорты мөдире Нәсыйха Нәбиева үзенең чыгышында Рәмискә олы тәбрикләүләрен җиткерде. Авыл җирлеге, "Вахитов исемендәге" авыл хуҗалыгы, Мәдәният йорты коллективы исеменнән бүләк тапшырды.

    Без авылдашыбыз, дустыбыз Рәмискә зур рәхмәтебезне җиткерәбез! Исән-сау хезмәт итеп, исән-сау туган авылына кайтырга насыйп булсын! Хәерле юллар Сиңа!

    Реклама

    Нияз Кәримуллин, Казан мәдәният һәм сәнгать институты студенты

    Зилә Корбанова фотолары

    «Кукмор Татарстан» Telegram-каналга язылыгыз

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: