Хезмәт даны
  • Рус Тат
  • Кадер кичәсе

    Ислам дөньясында айлар арасында - Рамазан ае, көннәр арасында - җомга көне, кичләр арасында Кадер кичәсе иң мөбарәк вә иң мөкатдәсе буларак кабул ителгән. Бу көнне Пәйгамбәребез Мөхәммәдкә (с.г.в.) Коръән иңдерелә башлаган. Кадер кичәсенең Рамазан аенда икәнлеген белсәк тә, аның төгәл көне билгеләнмәгән. «Өмет» мәчете имам хатибы Равил хәзрәт Бикбаев...

    Ислам дөньясында айлар арасында - Рамазан ае, көннәр арасында - җомга көне, кичләр арасында Кадер кичәсе иң мөбарәк вә иң мөкатдәсе буларак кабул ителгән.
    Бу көнне Пәйгамбәребез Мөхәммәдкә (с.г.в.) Коръән иңдерелә башлаган. Кадер кичәсенең Рамазан аенда икәнлеген белсәк тә, аның төгәл көне билгеләнмәгән. «Өмет» мәчете имам хатибы Равил хәзрәт Бикбаев сүзләренчә, Пәйгамбәребез Мөхәммәд (с.г.в.) бер хәдисендә: «Кадер кичен Рамазанның соңгы ун көне арасыннан, бигрәк тә так санлы кичләреннән эзләгез», - дигән.
    - Бу кич яшерен калган. Әлеге кичәнең төгәл көнен әйтеп куйсалар, кешеләр шул көнне генә гыйбадәттә булыр иде. Димәк, Рамазанның соңгы ун көнендә һәр төнне гыйбадәттә уздырып, үзебез, якыннарыбыз, дөньябыз-ахирәтебез өчен догалар кылсак, безнең өчен савап‑әҗере дә күбрәк булачак. Шунысы да бар: галимнәр Кадер кичен күп очракта Рамазан аеның 27 нче киче дип әйтә. Тагын бер билгесе: бу көнне кич нурлы булыр, бик салкын булмас, җиләс кенә булыр, этләр өрмәс, Кадер кичәсе таңында кояш та ап‑ак булып чыгар. Хәдисләрдән аңлашылганча, Кадер кичендә кешенең бер еллык тәкъдирнамәсе күктән җиргә иңдерелә, ягъни фәрештәләр адәм баласының бер еллык тәкъдирен алып киләләр. Шуңа да, үзебезгә бер еллык күркәм тәкъдир иңсен өчен, бу төнгә игътибарлы булырга тиешбез, - ди сөйләде Равил хәзрәт.


    Дилбәр ГАРИФУЛЛИНА

    источник: http://shahrikazan.com/tt/2015-01-22-08-55-16/item/10737-kader-kich

    Реклама

    «Кукмор Татарстан» Telegram-каналга язылыгыз

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: