Безне ишетүче юк

Мин Зур Сәрдек, Аш. Буҗи авылларына Олыяздан барып эшлим. Менә бүген дә ике арадагы юлдан пычракка чумып, батып кайттым да, йөрәгемнең авыртуына түзә алмыйча сезгә шалтыратырга булдым. Әлеге юл шушы төбәктә яшәүчеләрне берләштерүче бер җеп булып тора. Әмма анда язгы-көзге пычракта аяк атларлык түгел: кызыл балчыклы сазлык. Әлеге юлга машина белән кереп батып калучылар бик күп булды. Зур Сәрдек якларына барыр өчен юл төшкәнче Янсыбы аша әйләнгечтән йөрергә кирәк. Ә бу ничә чакрымнар дигән сүз! Җаныбызга тигән бу мәсьәләне инде район җитәкчелегенә дә җиткердек, мәчет картлары да бу турыда җыелышларда күп тапкырлар сүз кузгатты. Әмма безне ишетүче генә юк. Юлның озынлыгы да күп түгел, югыйсә, бары тик өч чакрым. Без асфальт юл да сорамыйбыз. Таш салынган ныклы юл булса, шул җитә. Киләсе елның эш программасына бәлки кертелер дигән өмет белән

Ләйсән ГЫЙЛӘҖЕВА, Олыяз авылы

фото: http://yandex.ru/clck/jsredir?from