Балалар өчен җитештерелә торган товар индустриясе көннән-көн үсә бара. Базарга барсаң да, затлы кибетләргә керсәң дә, балаларга нинди генә кием-салым юк! Аеруча аяк киемен сайлау мөмкинлеге зур. Ләкин аяк киеменең үлчәмен ничек билгеләргә? Бу сорау бик күп ата-ана өчен актуаль булып кала, чөнки үлчәме туры килмәгән очракта, кыйммәтле, сыйфатлы аяк...
Балалар өчен җитештерелә торган товар индустриясе көннән-көн үсә бара. Базарга барсаң да, затлы кибетләргә керсәң дә, балаларга нинди генә кием-салым юк! Аеруча аяк киемен сайлау мөмкинлеге зур. Ләкин аяк киеменең үлчәмен ничек билгеләргә? Бу сорау бик күп ата-ана өчен актуаль булып кала, чөнки үлчәме туры килмәгән очракта, кыйммәтле, сыйфатлы аяк киеме дә балага кечкенә яки зур булырга мөмкин.
Гадәттә, балалар бер яше тулганчы, яки тулып киткәч тә тәпи йөри башлый. Әмма ата-ана балага аяк киемен берникадәр иртәрәк алырга тырыша. Игътибар иткәнегез бардыр, хәзер 6-8 айлык балалар да сандали киеп куя. Ярты яшьлек баланың аяк табаны якынча 10 см була, бу 17нче үлчәмгә туры килә. Ә киләсе ярты елда, ягъни бер яшькә нәни аяк 1,5-2 сантимерга үсәчәк, ул чакта аяк киеменең үлчәме 18-20 булачак. Әмма 6 айлык баланың аяк киеме үлчәмен зуррак алсагыз да зыянлы булмас, ул күп вакытын арбасында утырып яки үрмәләп үткәрә.
Алга таба аяк киеменең үлчәмен сайлау авыррак булырга мөмкин, чөнки сабый тәпи киткәч, аяк табанының формасы үзгәрә башлый. Кагыйдә буларак, 1-1,6 яшьтә баланың аягы 20-21 үлчәмгә кадәр үсә. Ябык аяк киемен бармак терәлеп торырлык итеп алырга киңәш ителми. Тик бу ачык сандалига кагылмый, аларның үлчәме баланың аяк үлчәме белән туры килсә дә ярый.
.jpg)
Игътибар! Баланың аяк табанын үлчәгәндә, үкчә чигеннән алып иң озын бармакка кадәр үлчәргә кирәк. Ике аягын да үлчәгез, аяк киемен сайлаганда, зуррак күрсәткечләргә таяныгыз. Интернет челтәрендә баланың аяк киеме үлчәмен билгеләү буенча таблицалар бихисап. Шуңа да баланың аяк киеме үлчәмен аяк табаны буенча билгеләү авыр түгел. Төп кыенлык сантимер, дюйм, миллиметрларның төрле җирдә төрлечә билгеләнүенә килеп терәлә. Әгәр АКШ һәм Канада аяк киеменә өстенлек бирсәгез, биредә җитештерелүче аяк киемнәренең 3 төрле булуына игътибар итегез: яңа туган бала, бала һәм яшүсмер бала. Һәр төркемнең үзенең 1нче үлчәме була.
Россия, Белорусия, Украинада җитештерелүче аяк киеменең үлчәме нәкъ менә аяк табаны үлчәменә бәйле. Бездә ул сантимер һәм миллиметрда үлчәнә. Бөекбританиядә, мәсәлән, аяк киеме дюймнарда үлчәнә, билгеле инде безнең саннардан ул аерылып торачак. Бәлки шуңа да гадәттә, балалар аяк киемендә төрле илләрнең үлчәме языла. Шулай да сатучыдан аяк киеме җитештерүчесенең нинди үлчәм системасын куллануын белешергә онытмагыз.
Файдалы киңәшләр! Баланың аяк табанын кичке якта үлчәгез, чөнки бу вакытта баланың табаны шешенеп, максималь үлчәмгә җитә. Йөри башлаган баланың аягын басып торган килеш һәм йөргәндә үлчәгез. Кайбер ата-аналар: "Бер яшьлек баланың аяк киеме үлчәмен ничек билгеләргә? Ул бит аның ярыймы юкмы икәнен аңлата алмый", - дип сорый. Игътибар белән күзәтегез: баланың аягы кысылып тормаска, бала тигез басарга һәм ышанычлы итеп атларга тиеш. Җәйге аяк киеме өчен 0,5-0,8 см, ә кышкысы өчен, оекбаш калынлыгына карап, 1,5-2 см запас калдырырга кирәк.
Татар эстрадасының популяр җырчысы, 2,4 яшьлек Кәрим һәм 9 айлык Мөнир исемле ике ул үстерүче Лилия Хәйруллина фикере: "Балага аяк киеме алганда, аны үзем белән кибеткә алып барам. Аннан башка гына барсам, аягын кәгазьгә бастырып, каләм белән сызам. Ул кәгазьне кибеткә алып барып, аяк киеме сайлыйм. Аяк киеменең тышкы кыяфәтенә, стиленә зур игътибар бирәм. Ул төсе буенча киемгә дә туры килергә тиеш. Аның аякка уңайлы булуы да мөһим. Бер сезонга ничә пар алганын төгәл әйтә алмыйм. Аяк киемен төрле кибетләрдән алабыз. Чит илгә яки Мәскәүгә барсам, шуннан алып кайтырга тырышам. Бала тәпи киткәнче үк аяк киеме кидертәбез, баланы матур йөртәсе килә".
«Кукмор Татарстан» Telegram-каналга язылыгыз
Нет комментариев