Бәйрәм белән!

Бәйрәмегез котлы булсын сезнең,

Гүзәл кызлар, чибәр хатыннар!

Гашыйк бит без сезнең барчагызга,

Йөрәкләрдә сүнмәс ялкын бар.

Без бит ирләр, уйнап-көлеп кенә,

Чит-ятларга күзләр атабыз.

Шатлык-кайгыларны бүлешергә

Йөгерешеп өйгә кайтабыз.

Үз өеңдә пешкән аш та тәмле,

Ятсаң үзеңнеке диван да.

Нишләтәсең, шулай яратылгач,

Без бит - ирләр - бераз дивана.

Чагыштырып карау өчен генә -

Шунда гына бөтен хикмәте.

Үзеңнеке үзеңнеке инде!

Күз тимәсен генә, икмәктер!

Бәйрәмегез котлы булсын сезнең,

Без торырбыз сезне иркәләп.

Тормыш дигән шушы гөлбакчада

Очрамасын гына киртәләр.

Харис МОСТАФИН