Кукмарада велосипедчы бала «КамАЗ» тәгәрмәче астына эләккән

Кукмарада 13 яшьлек бала велосипедта йөргән вакытта «КамАЗ» тәгәрмәче астына эләгә. Бу хакта Кукмара районының ЮХИДИ бүлегендә хәбәр иттеләр. 

«Юл фаҗигасе 29 апрельдә сәгать 13.55тә Кукмара шәһәренең Нур Баян урамында килеп чыга. Якынча билгеле булганча, 13 яшьлек малай велосипед белән тротуардан барганда кинәт кенә автомобиль юлына килеп чыга һәм „КамАЗ “ тәгәрмәче астына эләгә», — дип сөйләделәр ЮХИДИ бүлегендә. 

Юл-транспорт һәлакәтендә фаҗигага юлыккан малайны Кукмара районы үзәк дәваханәсенә алып китәләр. Ярдәм күрсәтелгәч, бала өенә җибәрелә.

фото: районының ЮХИДИ бүлеге