Кукмарада 10 октябрьдә өч юл фаҗигасе булган (фото)

Район юл хәрәкәте иминлеге дәүләт инспекциясеннән алынган мәгълүматларга караганда, кичә, 10 октябрьдә Кукмара районында өч юл фаҗигасе теркәлә. Көндезге сәгать бердә поселокның Ленин урамы, 3 йорт янында "Лада Гранта" һәм "ВАЗ-212140" автомобиле бәрелешә. Фаҗига "Лада Гранта"ның "Нива"га юл бирмәве нәтиҗәсендә килеп чыга.

Шушы ук көнне сәг.15.00дә Урта Комар авылында билгесез зат "ВАЗ-2106" автомобиленә зыян сала һәм фаҗига урыныннан кача.

10 октябрьдә, сәг.18.20ләрдә "ВАЗ-21150" һәм "Лада Ларгус" автомобиле бәрелешә.

Фаҗигаләрдә зыян күрүчеләр юк. Юлларда һәркемнең игътибарлы һәм сак булуын, юл йөрү кагыйдәләрен төгәл үтәвен сорыйбыз.

Фотолар ЮХИДИдән алынды