Янилдә волейбол ярышы булды

Мәктәбебездә Рифкать Фәхретдинов призына 25нче тапкыр волейбол ярышы узды. Шул уңайдан, ярышта катнашучыларны сәламләргә хөрмәтле кунаклар: Валериан Вуколов, Рәфкать Абдуллин, Равил Зарипов, Рифкать Фәхертдинов, Вахитов исемендәге хуҗалык җитәкчесе Нафыйк Хөсәенов һәм Янил авыл җирлеге башлыгы Илгизәр Курбанов да килгән иде. Шунысы сөенечле: әлеге ярышның масштабы елдан-ел арта бара. Быел исә ул 4 төркем кызлар һәм 3 егетләр командасын тупланды. Командалар бик көчле хәзерлекле булу сәбәпле, ярыш бик кызу һәм кызыклы барды. Егетләр арасында беренче урынны – Вахит командасы укучылары, икенчене - Янил, өченче урынны Зур Сәрдек укучылары командасы яулады. Кызлар арасында исә беренчедә – 4нче мәктәп, икенчедә – “Зилант”, өченчедә Янил укучылары командасы җиңү яулады.
Чулпан КАРИМУЛЛИНА