Кәчимир авылы янындагы чүп полигоны нәрсә көтә?

- Республиканың  калдыклар белән эш итү өлкәсендәге территориаль схемасында каралганча, 5,71 гектар җир биләүче Кукмара полигоны 2021 елда соңгы елын эшләячәк. 2022 елда аны рекультивацияләү каралган. Аның урынына төяп җибәрү станциясе төзеләчәк. Каты коммуналь калдыклар Арчага озатылачак, анда яңа муниципальара полигон һәм сортларга аеру станциясе булдырылачак. Билгеле, моның өчен шактый гына чыгымнар таләп ителә.Әлеге полигонга калдыклар барлыгы сигез районнан китерелеп, фракцияләү эше башкарылачак.

фото: Татар-информ