Зур Кукмара авылы мәдәният йорты хезмәткәрләренең җырлары игенчеләрнең күңеленә хуш килде

«Урал» җәмгыяте басуларында кызу урак өсте бара. Игеннәр мул үскән. Игенче өчен моннан да олы бәхет юктыр да инде. Игенчеләребез алны-ялны белми тиз арада игеннәрне җыеп алуга күп көч куялар. Аларның хезмәтләрен хуҗалык җитәкчебез Хабибрахманов Нияз Газинур улы һәрдаим күзәтеп, эшләрен бәяләп, тиешле кызыксындыру чараларын биреп тора.

Икмәк тә, җыр да бергәләп, күмәкләшеп эшләсәң генә була. Кыр батырларына зур көч һәм сәламәтлек теләп, без Байлангар авылы һәм Зур Кукмара авылы мәдәният йорты хезмәткәрләре дә бу чорны читтән генә күзәтеп тормыйча, игенчеләребезгә рухи азык өләшү өчен юлга кузгалдык. Татлы икмәк исе янына җанга рәхәтлек биреп җыр-моң да кушылды, күңелләрне канатландырды.

Минзәлия Әгълиуллина, Байлангар