Уразай авылыннан Рәйсә Насыйбуллина: Мондый бәла-каза һәркемне читләтеп узсын иде

21 апрельдә көтмәгәндә-уйламаганда хуҗалыгыбызда янгын чыгып, каралты-куралар янып бетте. Утны сүндерү, йортыбызны саклап калу өчен зур көч куйган барлык күршеләребезгә, авылдашларга, “Уңыш”, “Игенче”, “Урал”, “Вахитов” ирекле янгын сүндерүче отрядларына, Күкшел аерым посты хезмәткәрләренә рәхмәтебез чиксез зур. Барчасына саулык-сәламәтлек, иминлек, гаилә бәхете телибез. Мондый бәла-каза һәркемне читләтеп узсын иде.

Рәйсә НАСЫЙБУЛЛИНА, Уразай авылы