Төхбәтуллинар гаиләсе 65 ел бергә торуларын билгеләп үтте

Шушы көннәрдә Манзарас авылында гомер итүче Хөрмәтулла һәм Флера Төхбәтуллинарның чәчләре чәчкә бәйләнеп, матур тормыш корып яши башлауларына 65 ел тулды. Хезмәт ветераннарын күркәм юбилейлары белән котларга район Башкарма комитеты житәкчесенең социаль мәсьәләләре буенча урынбасары Айгөл Ахметшина, ЗАГС бүлеге житәкчесе Зөлфия Латыйпова, Манзарас авыл жирлеге башлыгы Рашидә Хабибуллиналар, балалары, туганнары килде.

Бүгенге бәйрәмегез — ул бер-берегезне саклап, хөрмәт итеп яшәүнең нәтижәсе. Гаилә хезмәтегез өчен зур рәхмәт сезгә. Сезнең кебек гаиләләр — районыбыз бизәге. Алга таба да тигезлектә, якыннарыгызның кадер-хөрмәтен тоеп яшәргә насыйп булсын, — диде Айгөл Масхутовна һәм район башлыгы исеменнән Рәхмәт хаты белән истәлекле бүләк тапшырды.

Хөрмәтулла Төхвәт улы бар гомерен тимер юлда хезмәт итүгә багышлаган кеше. Ә тормыш иптәше Флера Әхмәди кызы Кукмараның мех производствосы берләшмәсендә хисапчы булып эшли. Хезмәт юлын тимер юлы билет кассасында башлый. Нәкъ шунда ул булачак тормыш иптәше белән таныша. Өч ул тәрбияләп үстерәләр. Фидакарь хезмәтләре өчен Мактау грамоталары, Рәхмәт хатлары, медальләр белән бүләкләнгәннәр. Флера Төхбәтуллина — авылның хөрмәтле абыстае.

фото: Йолдыз Гыймадиева/ «Хезмәт даны»