Татарстанда машина белән бәрелешкән вахта автобусы пассажирлары зыян күргән

Әлмәт районында чит ил машинасы белән бәрелешкән вахта автобусы пассажирлары зыян күргән. Бу хакта «Татар-информ»га шаһитлар хәбәр итте.

"Авария Казан-Оренбург трассасында Ямаш авылы янында бүген иртәнге сәгать сигезләр тирәсендә булган. "Опель Астра" һәм "ПАЗ" вахта автобусы бәрелешкән", – дип сөйләделәр юл-транспорт һәлакәте шаһитлары.

Шаһитлар мәгълүматларына караганда, авариядә автобусның берничә пассажиры җәрәхәт алган. Әлеге мәгълүматлар ачыклана.

Бу хакта тулырак: https://tatar-inform.tatar/news/2019/07/03/189176/