Сергей Димитриев: Шәһәребезне генә түгел, авылларны да төзекләндерү бурыч булып тора

- Сергей Димитриевич, 1 мартта Россия Президенты Федераль җыенга юлламасында Казанны өч тапкыр уңай яктан телгә алды, шул исәптән аның шәһәр мохитен һәм инфраструктурасын яңарту тәҗрибәсен үрнәк итеп куйды. Үрнәк итеп куйганнар икән, димәк, хәзер инде шул  позициядән чигенмәскә, башкалардан бер адым алданрак атларга тиешбез. Узган ел шәһәр статусы алган Кукмарага да әлеге юнәлештә зур бурычлар йөкләнә дигән сүз...

- Кукмарага гына түгел, бу һәрбер җирлеккә дә кагыла, чөнки авыллар матди яктан да, рухи яктан да нык, халкы тулы канлы тормыш белән яшәгәндә генә, районыбыз көчле булыр. Шуңа шәһәребезне генә түгел, авылларны да төзекләндерү, аларда халыкка яшәү һәм эшләү өчен уңай шартлар тудыру бурыч булып тора. Бу - социаль объектлар белән тәэмин ителеш, юлларның торышын яхшырту, үзмәшгульлекне үстерү, ял итү, спорт белән шөгыльләнү өчен шартлар булдыру дигән сүз. Бүген районыбызда башкарылучы эшләрнең һәркайсы шуңа юнәлдерелгән.

Фото: Султан Исхаков