Районда «Ел вакыйгасы» - Кукмарага орден тапшырылу

Өченче чакырылыш Кукмара муниципаль район Советының 44нче утырышында республика Президенты Рөстәм Миңнеханов сөт саву буенча рекордлы күрсәткечләр өчен (тәүлеккә 300 тонна) районга «Татарстан Республикасы алдындагы казанышлар өчен» орденын тапшырды.

«Бу – муниципаль районнарга бирелүче беренче орден. Сез моңа бик лаек. Киләчәккә дә бурычларыгыз саллы: 2025 елга тәүлеклек савымны 500 тоннага җиткерүгә исәп тотасыз. Бу күрсәткечкә дә ирешерсез дип ышанам», - диде Рөстәм Миңнеханов.

фото: ТР Президентының матбугат хезмәте