Кукмаралылар «Җиңү диктанты» халыкара акциясенә кушылды
Катнашучылар 45 минут эчендә тест сорауларына җавап бирде.
«Җиңү диктанты» халыкара акциясе «Бердәм Россия» партиясе тарафыннан 2019 елдан үткәрелә.
Әлеге масштаблы чарага кукмаралылар да актив кушылды. Кукмарада диктант ике мәйданчыкта: Зур Кукмара һәм Кукмара 4нче урта мәктәпләрендә узды.
Катнашучылар арасында җитәкчеләр, мәктәп укучылары, укытучылар, хәрби хәрәкәт, иҗтимагый оешма ветераннары, музей, хәрби комиссариат вәкилләре һәм башкалар бар иде. Алар 45 минут эчендә Бөек Ватан сугышы һәм махсус хәрби операциягә багышланган 25 тест соравына җавап бирде.
Эдуард Ишпулатов Нырьядан килгән. Ул балаларны тормыш иминлеге нигезләре һәм Ватанны саклау фәненнән укыта.
«"Җиңү диктанты"нда ел саен катнашырга тырышам. Анда гел яңалыклар була, мәгълүматлар үзгәреп тора. Быел махсус хәрби операциягә багышланган сораулар шактый иде. Тест биремнәренең берсе дә җиңел түгел, әмма кызыклы һәм уйлануга этәрә торган. Җавапларны дөрес билгеләгәнмендер дип ышанам», — ди Эдуард Ишпулатов.
фото: Алсу Сәләхетдинова/ «Кукмор-информ»
Следите за самым важным и интересным в Telegram-каналеТатмедиа
«Кукмор Татарстан» Telegram-каналга язылыгыз
Галерея
Оставляйте реакции
Нет комментариев