Кукмарада ир-ат белән хатын-кыз поезд астында һәлак булганнан соң тикшерү башланды

Россия Тикшерү комитетының Транспортта үзәк төбәкара тикшерү идарәсе Кукмарада ир-ат белән хатын-кыз поезд астында һәлак булу очрагының шартларын ачыклый. Тикшерү алды тикшерүе оештырылган. Бу хакта ведомствоның матбугат хезмәте хәбәр итә, дип яза «Татар-информ».

Фаҗига Кукмара станциясе янында була. Идел буе транспорт прокуратурасы мәгълүматлары нигезендә, Мәскәү — Владивосток пассажир поезды тимер юл аша чыгып барган җәяүлеләрне бәрдерә.

Агентлыкка билгеле булганча, хатын-кызга 54 яшь, ир-атка 51 яшь. Якынча мәгълүматларга караганда, алар икесе дә исерек хәлдә була.

Һәлакәт урынына татар транспорт прокуроры һәм тикшерү-оператив төркеме килә.

Фото: Алсу Гатауллина «Кукмор-информ»