Янил мәктәбе укучылары Кукмара музее белән танышты

Кукмара туган якны өйрәнү музее үткәннәрне дә, хәзергене дә өйрәтә. Шулай икәнен мин Кукмарага музейга баргач белеп кайттым. Бер бинада никадәр кызыклы әйберләр... Хәтта мамонт сөякләре дә бар. Элек бездә мамонтлар да яшәгән икән бит! Ул рекордлар китабына кергән бәлешнең зурлыгы, исең китәрлек. Безгә кадәр кулланылган савытлар, эш кораллары — һәрберсенең тарихы бар. 

Безгә Кукмараның халкы, тормышы турында бик әйбәтләп сөйләделәр. Музейда барлык әйберләр дә язылган, кызыклы, эчтәлекле. Мин шундый бай, матур төбәктә яшәвем белән горурланып кайттым. 

Әмир Биктимиров, Янил урта мәктәбенең 2б сыйныфы укучысы

Фото: Янил урта мәктәбе