Фото: Зур Сәрдектә “Самавыр бәйрәме” үткәрелде

Зур Сәрдек мәдәният йортының ишек алдында традицион “Самавыр бәйрәме” уздырылды. Бәйрәмгә килгән халык, күптөрле рецепт белән әзерләнгән самавыр чәйләреннән авыз итеп, рәхәтләнеп авыл үзешчәннәренең чыгышларын тамаша кылды, ял итте. Бәйрәм кунаклары – Күкшел җирлеге үзешчәннәренең һәм Кара Елга авылыннан Заһид Мөхәммәтҗановның җырларын, “Чәчкә” халык бию ансамбленең биюләрен, гармунчыларыбыз Рамил Хәсәнов, Шәүкәт Хөсәенов, Рафаил Закировларны, Илүсә Хөсәенованың шигырьләрен, “Сердәш” фольклор төркеме чыгышын бик яратып алкышлады.