«Россия Кызыл Хач» оешмасы Кукмарада социаль хезмәткәрләр өчен беренче ярдәм күрсәтү буенча мастер-класс үткәрде — видео
Социаль хезмәткәрләр карамагында төрле кешеләр бар, аларның ихтыяҗлары да индивидуаль. Кемгәдер азык-төлек алырга, өй җыештырырга кирәк. Ләкин иң мөһиме — кирәкле вакытта беренче ярдәм күрсәтә белү.
Волонтерлар һәм социаль хезмәткәрләр — олы йөрәкле һәм изге жанлы кешеләр. Аларның төп бурычы — кешеләргә ярдәм иту. «Россия Кызыл Хач» оешмасының төбәк бүлеге хезмәткәрләре даими рәвештә төрле тренинглар һәм курслар үткәрә. Шундый дәресләрнең берсендә безнең төшерү командасына да булып кайтты.
Хезмәт ветераннары, пенсионерлар, сәламәтлек мөмкинлекләре чикле кешеләр. Социаль хезмәткәрләр карамагында төрле кешеләр бар, аларның ихтыяҗлары да индивидуаль. Кемгәдер азык-төлек алырга, өй җыештырырга кирәк. Ләкин иң мөһиме — кирәкле вакытта беренче ярдәм күрсәтә белү. «Россия Кызыл Хач» Гомумроссия ижтимагый оешмасы инде 136 ел халыкны беренче ярдәм күрсәтү күнекмәләренә өйрәтә.
«Бүгенге көндә катлаулы хәлләр еш булгалый: юл-транспорт һәлакәтләре, янгын очраклары, су басулар. Кешеләр андый очракта үзләрен дөрес тотарга өйрәнергә һәм авыр хәлдә булган кешеләргә булышырга әзер торырга тиеш», — диде «Россия Кызыл Хач» оешмасының Татарстан төбәк бүлеге рәисе Зөлфия Сафина.
Валентина Чернявская — Татарстан Республикасының атказанган укытучысы. 50 ел узгач, һөнәрен үзгәртергә карар кыла. Һәм инде 20 елдан артык социаль хезмәткәрләр белән өлкән яшьтәге кешеләрне карау буенча белемнәре белән уртаклаша. Әлеге эшчәнлек өлкәсе аңа бик якын.
«Минем гаиләдә сәламәтлек мөмкинлеге чикле бала бар. Мин андый кешеләрне ничек карарга һәм аларга ничек ярдәм итәргә икәнен беләм. Шуңа күрә бу минем өчен яңалык түгел», — диде РФ Татарстан төбәк бүлегенең тугандаш карау буенча инструкторы Валентина Чернявская.
Кукмарада 60тан артык социаль хезмәткәр эшли. «Тылсым» халыкка социаль ярдәм күрсәтү үзәге директоры Руслан Шәрипов сүзләренчә, һәр хезмәткәр өчен мондый курсларга йөрү бик файдалы.
«Хәзерге вакытта социаль хезмәтләр күрсәтүче хезмәткәрнең профессиональлеге аерым әһәмияткә ия. Шул ук вакытта безнең өчен мондый чараларны тылсым базасында үткәрү бик мөһим», — диде Руслан Шәрипов.
Шунысын да билгеләп үтәргә кирәк, Кукмара районында социаль хезмәткәрләрне укыту даими рәвештә бара.
Следите за самым важным и интересным в Telegram-каналеТатмедиа
«Кукмор Татарстан» Telegram-каналга язылыгыз
Нет комментариев