2024 елның 7 июньдагы «КукморТВ» яңалыклары

Эфирда:

Уяу булырга кирәк!

• Ике миллионга якын сумма мошенникларга. Кукмарада яшәүче шуның кадәр акчаны берничә сәгать эчендә югалткан. Хәзер аның өстендә кредит утыра. Әлеге хәл ничек булган һәм мошенникларның тагын нинди алдау юллары бар? 

Әти, без синең белән горурланабыз!

• Еракта булса да, ул һәрвакыт янәшәдә. Эдуард Кузьмин яраткан ир һәм өч балага кадерле әти. Бүгенге көндә ул җиңү өчен көрәшә!Махсус хәрби операциягә 2022 елның октябрендә киткән. Хәрбинең гаиләсе хәзер ничек яши һәм аларга нинди ярдәм чаралары күрсәтэләр?

Мин авылда яшәргә телим!

• Мин авылда яшәргә телим. Күпләр яхшы тормыш эзләп зур шәһәрләргә чыгып киткәндә, алар төрле хуҗалыкларда эштә калганнар. Яшь һәм максатчан. Яшьләргә Авыл җирендә яшәү ошыймы һәм биредә тормыш итәргә акча эшләп буламы? 

Соловьев укулары

• Мәхәббәт турындагы шигырьләр. Синерь авылында икенче Соловьев укулары үтте. Язучы тормшының күп вакытын Печорада үткәргән, ләкин Синерь турында онытмаган: үзенең шигырьләрендә һәрвакыт искә алган.

Алдынгылар слёты

• Быелгы уку елы да тәмамланды. Шул сәбәпле, нәтиҗәләр ясарга да вакыт җиткэн. Отличниклар, активистлар, спортсменнар һәм олимпиада җиңүчеләре. Аларның барысын да отличниклар слетында бүләкләделәр.