Кукмарада Сабантуй-2025 ничек узачак: Гүзәл Уразова, ат чабышлары, милли уеннар

Район Сабан туе 8 июньдә Киндеркүл авылы янындагы аланлыкта үткәрелә.

Программада:

Зур мәйдан: 

• Сабантуйны ачу тантанасы: театральләштерелгән пролог (10.00 сәгатьтә);
• Кыр батырларын, алдынгыларны бүләкләү (10.30 сәгатьтә);
• Балалар көрәше, балалар уеннары (11.30 сәгатьтә);
• Балалар анимациясе зонасы эшчәнлеге (балалар өчен күмәк уеннар, аквагрим һәм башкалар, 11.00-15.00 сәгатьләрдә);
• Татарстанның Атказанган һәм Халык артисты Гүзәл Уразованың иҗат төркеме чыгышы (12.00-14.00 сәгатьләрдә).
• Ир-егетләр көрәше (13.00 сәгатьтә);
• Волейбол ярышы (махсус мәйданда): ир-егетләр, хатын-кызлар (11.30 сәгатьтә);
• Шахматчылар ярышы (махсус өстәлдә): ир-егетләр, хатын-кызлар (11.30 сәгатьтә);
• Шашка ярышы (махсус өстәлдә): ир-егетләр, хатын-кызлар (11.30 сәгатьтә);
• Аркан тарту (11.30 сәгатьтә);
• Өч категориядә кул көрәштерү: ир-егетләр, хатын-кызлар, малайлар, кызлар (11.30 сәгатьтә);
• Йөгерешчеләр ярышы (ат чабышы урынында): малайлар, кызлар, ир-егетләр, хатын-кызлар (11.30 сәгатьтә). 

Махсус мәйдан: 

• Атлар чабышы: гади атлар, токымлы атлар (14.00 сәгатьтә);
• «Аударыш» ат өстендә көрәшү тамашасы (15.00 сәгатьтә);
• Халык уеннары (12.00 сәгатьтә):
• Аякка капчык киеп йөгерү;
• Гер күтәрү: яшүсмерләр, ир-егетләр, 70 кг-га кадәрле үлчәүдә, 80 кг-га кадәрле үлчәүдә, 80 кг-нан югары үлчәүдә, хатын-кызлар;
• Капчык сугышы;
• Муенга аркан киеп тартышу: ир-егетләр;
• Чаңгы киеп йөрү; 
• Әтәч куып тоту; 
• Кашыкка йомырка кабып йөгерү: ир-егетләр, хатын-кызлар;
• Вертикаль колгага менү;
• Авыш колгага менү;
• Мас-рестлинг-таяк тартышу: ир-егетләр;
• Көянтәле сулы чиләк белән йөгерү: ир-егетләр, хатын-кызлар; 
• Аякка итек киеп йөгерү; 
• Тәгәрмәч күтәреп йөгерү;
• «Каноэ» ярышы;
• Арбага утыртып йөгерү; 
• СУМО көрәше; 
• Бүрәнә күтәреп йөгерү;
• Көрәш батырларын бүләкләү (17.00 сәгатьтә);

Кече мәйдан: 

• «Сабантуй гүзәле» район конкурсы (11.00-13.00 сәгатьләрдә).
• «Шатланышып бәйрәм итә балачак»: Балалар сәнгать мәктәбе, «Галактика» иҗат үзәгенең чыгышы, район сәнгать осталары һәм «Идел» бию төркеме чыгышлары.
• (13.00-17.00 сәгатьләрдә).
• Сәүдә һәм туклану зоналары эшчәнлеге (09.00-18.00 сәгатьләрдә).
• «Халыклар дуслыгы» ишегаллары эшчәнлеге (09.00-18.00 сәгатьләрдә).

Кукмара районында Сабантуй үткәрү көннәре билгеле булды

фото: Фәнил Мәрсетдинов