Зур Сәрдек гимназиясе каршында оештырылган “Кояшкай” ял һәм сәламәтләндерү лагеренда Россия көнен билгеләп үттеләр

Зур Сәрдек гимназиясе каршында оештырылган "Кояшкай" ял һәм сәламәтләндерү лагеренда ял итүче балалар белән Россия көне уңаеннан "Россия - минем Ватаным" дип исемләнгән мәгълүмати сәгать үткәрелде. Чара барышында балалар илебезнең бай тарихы, аның символлары, традицияләре белән таныштылар, викторина сорауларына җаваплар таптылар, мастер-класста катнашып, Россия флагын ясадылар. Әлеге чараны авыл китапханәчесе Наилә Шакирова, тәрбиячеләр Роза Закирова, Зөлфия Гобәйдуллина, Нурзидә Харисова, Чулпан Мостафина, Гөлфия Сәфәргалиевалар оештырды.