Зур Кукмара китапханәчесе балалар белән викторина уздырды (фото)

Зур Кукмараның "Бәләкәч" балалар бакчасына йөрүче балалар белән "Кошлар - канатлы дусларыбыз" дигән темага викторина үтте. Балаларга карга, сандугач, сыерчык, күке, тукран турында мәгълүмат бирелде. Аннан "Оча, очмый" дигән уен уйналды, кошлар турында табышмаклар әйтелде, әйтемнәр искә төшерелде, кошларның нинди өлешләрдән торуы сөйләнелде һәм өлешләп кошларны төзедек. Викторина төрле шигырьләр белән үрелеп барды.

Халыкара балалар китабы көне уңаеннан "Сөй, хөрмәт ит, ярат китапны" дигән темага китап күргәзмәсе ясалды һәм китап турында әңгәмә үткәрелде. Балаларга китапларны ничек сакларга кирәклеге әйтелде, дип хәбәр итте китапханәче Гөлнур Хаҗиева.