Түбән Өскебаш авыл җирлегендә семинар узды

Семинарда җирлек башлыклары, район Башкарма комитетының җитәкче составы катнашты. Түбән Өскебаш җирлеге башлыгы Нургаян Мөхәмәтҗанов агымдагы елның 8 аенда башкарылган эшләр белән таныштырды. Бүгенге көндә җирлекләрдә иң төп мәсьәләләрнең берсе булып физик затлардан салым җыю тора. Әлеге юнәлештә эш алып баруның тәртибе белән 10нчы районара салым хезмәте начальнигы урынбасары Әлфия Вәлиева, район финанс-бюджет палатасы рәисе Илнур Сәмигуллинар таныштырды. Район Башкарма комитеты җитәкчесе Азат Гарифуллин аерым категория гражданнарны социаль хезмәтләр тупланмасы белән тәэмин итү буенча чаралар уздыру, көнкүреш калдыкларын җыю буенча килешүләрне, "Водотехносервис"ка күчерү өчен су башняларын тәртипкә китерү мөһимлеге турында сөйләде.