Шепшеңәрдә авыл җыены гөрләде (фото)

Яңгыр явуга да карамастан, 9 июльдә Шепшеңәрдә авыл җыены гөрләп узды! Авылдашлар бер-берсен сагынышып, балачак, яшьлек елларын искә алдылар, күңел ачтылар, ярышларда катнашып, иганәче авылдашларыбызның бүләкләренә ия булдылар!

Нырты авылыннан килгән артистларыбыз безнең күңелләрне күтәрде.
Концертны Гөлнур Иванова алып барды. Җырчыларыбыз - Гатин Ильяс, Иванова Юлия, Мирзагаянова Гөлнара; җырчы, тавыш операторы - Шакиров Рөстәм, концерт бригадасының продюсеры - Мөхәрләм Чираев, күчмә электростанциянең иганәчесе - Ленар Кәшәпов.

Оештыру эшләре тулысынча Мөхәрләм абый, Равил абый, Илфат абый җилкәсенә төште. Спонсорлар авылыбызның бар халкы: исемләп, нинди бүләк бирүләрен язып тормыйбыз, кунаклар, катнашучылар сөенеп кабул итеп алдылар, барыбызга да зур рәхмәт!

Җыен батыры - Илнар Һадиев, Ятмас Дусай,
2 батыр - Илшат Һадиев, Ятмас Дусай,
3 батыр - Булат Кәримуллин, Байлангар,
4 батыр - Фәрхәт Газизов, Шепшеңәр

Яшьләр көрәше:
Баш батыр - Булат Кәримуллин, Байлангар,
2 батыр - Газизҗан Сабиров,
3 батыр - Азат Исламов, Шепшеңәр-Кукмара

Өлкәннәр:
Баш батыр - Исхак абый Гарифуллин,
2 батыр - Фаиз абый Газизов,
3 батыр - Хәсәнша абый Дәүләтшин,
4 батыр - Заһидулла абый Каюмов

Гер күтәрү:
1 урын - Илмир Фәхретдинов (100)
2 урын- Ринат Кәримов (35)
3 урын - Нурсил Рамазанов (22)
4 урын - Марат Фәхрутдинов (15)

Кул көрәше - апалар:
1 - Әлфинур Фатыйхова,
2 - Нурисә Латыйпова

Кул көрәше - кызлар:
1 - Энҗе Чираева
3 - Дилә Әминова

Бәйрәмне оештыруда, үткәрүдә катнашкан вә ярдәм иткән барлык авылдашларга зур рәхмәт!

РS. Җыенның тулы фоторепортажы белән "Шепшеңәр авылы" төркемендә таныша аласыз.

Нурсил Рамазанов