Районыбызның авыл мәдәният йортларында бәйрәмнәр уздырулар дәвам итә

Тырыш авыл клубында "Төп йорт киленнәре", Камышлы авыл клубында инвалидлар өчен "Язмышларга үч итеп", Иске Йортта әнкәйләргә багышланган кичә, Ош. Юмья урта мәктәбендә балалар арасында "Мудорвай" удмурт җырлары конкурсы, Манзарас авылында инвалидлар көне уңаеннан район Мәдәният йорты хезмәткәрләренең концерты гөрләп узды.

Поч. Сутер авыл клубында "Лейся, песня удмуртская" исемле төбәкара удмурт җырлары конкурсы, иҗат академиясенең концертлар залында Бөтендөнья СПИДка каршы көрәш көне уңаеннан укучы яшьләр арасында фестиваль, Зур Кукмара мәдәният йортында Әниләр көненә багышланган район күләмендә җыр һәм нәфис сүз конкурсының Гала-концерты булды, дип хәбәр итте район Мәдәният йорты методисты Фәрзия Сәлләмова.