Поч.Кучук һәм Урта Комарда халык җыеннары узды (фото)

Районыбызның авыл җирлекләрендә агымдагы елның беренче яртыеллыгында башкарылган эш нәтиҗәләренә багышланган халык җыеннары дәвам итә. Халык белән очрашып-сөйләшүнең чираттагысы бүген Поч.Кучук һәм Урта Комар авыл җирлекләрендә узды. Аларда җирлек башлыклары Фәнис Гайнетдинов һәм Юрий Исынбаевларның чыгышлары тыңланды. Район башлыгы Сергей Димитриев районда башкарылган эшләр, дәүләт программаларының үтәлеше, сәнәгать һәм авыл хуҗалыкларындагы икътисади күрсәткечләр, алда торган бурычлар белән таныштырды. Чыгышлардан соң халыкны борчыган сорауларга җаваплар бирелде. Җыенда сайлауга хәзерлек мәсьәләләре турында да сүз барды.