Нырты балалары күңел ачты

Нырты авылының төз чыршылар, ямь-яшел чирәм, гөлләр үскән мәдәният йорты бакчасында мәдәният хезмәткәрләре һәм авыл китапханәчесе көче белән балалар өчен сабантуй уздырылды. Авыл матур, дәртле көйләргә, балаларның шат тавышына күмелде. Алар өчен төрле спорт уеннары, җыр-биюләр, шигырь сөйләүләр оештырылды, бүләкләр тапшырылды. Бу чарага әти-әниләр, әби-бабайлар да җыйналды. Учак ягып, йомырка тәбәсе кыздыру, аннан авыз итү, учак аша сикерешеп, теләкләр теләү бәйрәмнең күңелле өлеше булды, дип хәбәр итте Рауза ХУҖИЕВА