Мошенниклар пенсионер хатын-кызның 97 мең акчасын урлаган
Явыз ниятле кеше үзен пенсия фонды хезмәткәре дип таныштырган.
Мошенниклар Чистайда пенсионер хатын-кызның 97 мең акчасын урлаган, дип хәбәр итә Россия Эчке эшләр министрлыгының Татарстан буенча матбугат хезмәте.
Полициягә 60 яшьлек хатын-кыз мөрәҗәгать иткән. Ул шалтыратучының үзен пенсия фонды хезмәткәре дип таныштыруын җиткергән. Ир-ат пенсия буенча өстәмә түләүләр барын һәм хатын-кызның банк картасы реквизитларын сораган. Шуннан соң аның счетыннан 97 мең акчасы юкка чыккан.
Әлеге факт нигезендә "Мошенниклык" маддәсе буенча эш кузгатылган. Ачыкланганча, шалтыратучының телефон номеры Тула өлкәсендә теркәлгән.
Следите за самым важным и интересным в Telegram-каналеТатмедиа
«Кукмор Татарстан» Telegram-каналга язылыгыз
Оставляйте реакции
Нет комментариев