Мәмәшир китапханәсе яңалыклары

Мәмәшир авылы китапханәчесе Габдуллина Зөлфия Мидхәт кызы 1 сыйныф укучылары өчен "Сәламәтлек -зур байлык" исемле тәрбия сәгате үткәрде. Балаларны үз сәламәтлекләре турында кайгыртырга өйрәтү максатында оештырылган чарада "Син һәм синең сәламәтлегең" дигән китап күргәзмәсе белән таныштырылды. Шулай ук балаларга чыныгу чаралары турында да сөйләнелде. Р.Мәннәнның "Табиб әлифбасы" китабы балаларга аеруча ошады.

Башлангыч сыйныф укучылары өчен "Кошларның экологик әһәмияте" дигән әңгәмә дә мавыктыргыч узды. Чараның максаты балаларда кошларга карата сак караш, шәфкатьлелек тәрбияләү иде. Әңгәмәдән соң "Кошлар" дигән китап белән таныштырылды.