Мәмәшир авылы китапханәсендә “Хәтер сандыгы“ дигән кичә үткәрелде

Аның максаты халкыбызның гореф-гадәтләрен искә алу, шул темага кагылышлы китапларны пропагандалауга юнәлдерелгән иде. Бүлмә кул эшләре белән бизәлде, китап күргәзмәсе оештырылды. Кичәдә катнашучылар "Карга боткасы", Сабантуй, "Сөмбелә", "Каз өмәсе", "Аулак өй" кебек милли бәйрәмнәрне искә алдылар, татар халкының тормышы чагылыш тапкан әдәби әсәрләрдән өзекләр тыңладылар, табышмаклар әйтештеләр, халык уеннарында катнаштылар, җырлар башкардылар, дип хәбәр итте китапханә мөдире Зөлфия Габдуллина.