“Кыңгырау” балалар бакчасында Өлкәннәр белән очрашу үткәрелде

Бер күрешү үзе бер гомер бит,

Очрашуга сәбәп табылсын.

Бер-берләрен сагынышкан дуслар

Күрешергә монда агылсын!

Хәтер йомгакларын сүткән чакта

Искә төшә узган гомерләр.

Бергә эшләп узган һәрбер мизгел

Сәйлән булып җепкә тезелә.

Сагынырлык бит ул узган вакыт,

Бер мизгелгә йомыйк күзләрне

"Кыңгырау"ның һәрбер ишегеннән,

Эзлик әле, таныш йөзләрне.

Һәр көн саен күрешеп тормасак та,

Күп булса да, таныш белешләр,

Өстәлсә дә яңа коллегалар

Сез дә көн дә монда кебекләр!

Якты йолдыз кебек балкытасыз

Кыңгырауның шушы залларын.

Үткән гомерләрне искә алып

Бәйрәм иттек без дә бу көнне.

Хөрмәтле хезмәттәшебез Наилә Камалетдинованың чын йөрәктән матур итеп язган шигырь юллары бәйрәмебезне тагы да ямьләндерде.

Җәй буена җигелеп эшләдегез,

Гөрләп торды балалар бакчасы.

Эче-тышы чәчәк кебек булган,

Сезнең тырышлык бит барчасы.

Үзенә тартып торган бакчабызга

Килми калу һич мөмкин түгел.

Кунакка чакырган көннән бирле

Сезнең янга ашкынды күңел.

75тә ачылган бакчабызның

Яшәрүен күреп таң калдым.

Бөтен җирдә матур гына түгел,

Уңайлы да - шуңа сокландым.

Бу уңайлы, матур бакчабызда

Инде яңа үрләр яулагыз.

Гәзитләрдән укып куанабыз,

Ярышларда алда барсагыз.

"Кынгырау" балалар бакчасы коллективы