Кукмаралылар сайлауларда актив катнаша

Россия Федерациясе Дәүләт Думасына депутатлар сайлау актив рәвештә дәвам итә. Район Мәдәният йорты бинасында урнашкан 1666нчы сайлау участогында да көне буе халык өзелми, үз тавышын биреп калырга ашыга.

-Сайлаулар оешкан рәвештә, тыныч уза. Сайлаучылар бик теләп киләләр, бигрәк тә студентлар, пенсионерлар актив. Көннең беренче яртысында килүчеләр күп булды, көндезге сәгать икедән дүрткә хәтле бераз сүрелделәр һәм менә кичкә таба тагын күпләп килә башладылар. Хәзерге вакытка биредә теркәлгән сайлаучыларның 71 проценты үз тавышын бирде инде. Ә йөздән артык кеше өйдә сайларга теләк белдерде. - диде сайлау әлеге сайлау участогы рәисе Гөлнара Бадыгиева.

Кукмарада 71 сайлау участогы эшли, аларның ишекләре сайлаучылар өчен кичке сәгать сигезгә кадәр ачык булачак.