Кукмарада район Советының чираттагы утырышы узачак

Өченче чакырылыш район Советының чираттагы унөченче утырышы 16 декабрьдә 9.00 сәгатьтә район Советы бинасында чакырыла.

Көн тәртибендә 2017 елга һәм планлы 2018 һәм 2019 елларга бюджет проекты (икенче укылыш), "Кукмара муниципаль районының 2016 елга бюджеты турында"гы 18.12.2015 елгы 19 санлы район Советы карарына үзгәрешләр кертү проекты, шәһәр тибындагы Кукмара поселогын Кукмара шәһәре дип үзгәртү турындагы мәсьәләне Татарстан Республикасы Дәүләт Советына тәкъдим итү, район Советының 2017 елга эш планы, "Кукмара муниципаль районының мактаулы гражданины" исемен бирү турындагы мәсьәләләр каралачак.