Кукмарада көндезге сәгать уникегә сайлаучыларның 48 проценты тавыш биргән

(Кукмара, 18 сентябрь, "Хезмәт даны", Алсу Идрисова). Кукмара районының барлык сайлау участокларында да Россия Федерациясе Дәүләт Думасына депутатлар сайлаулар оешкан төстә бара. Территориаль сайлау комиссиясе рәисе Марсель Төхбәтуллин сүзләренә караганда, көндезге сәгать уникедә исемлеккә кертелгән, тавыш бирү хокукына ия булган 39766 кешенең 19143е кандидатлар һәм сәяси партияләр өчен үз тавышын биргән. Бу 48,14 процентны тәшкил итә.

Кукмара районында барлыгы 71 сайлау участогы бар. Билгеле булганча, алар иртәнге сәгать 8дән алып, кичке 20 сәгатькә кадәр эшләячәк.