Кукмара район судының тату һәм бердәм коллективы

Кукмара суды тарихы - берничә буын хезмәткәрләрнең язмышы ул. Судта тату, бердәм коллектив оешты, тәҗрибәле хөкемдарлар белән бергә яшьләр дә бар. Аларга югары дәрәҗәдәге юридик белем, үз эшләренә җаваплы карау хас. Хәзерге көндә рәис Марат Муратшин җитәкчелегендә хөкемдарлар Эльвира Хуҗина, Рәмис Мутиевлар хезмәт куя. Штатта - 14 кеше. Кукмара районында ике суд участогы бар, анда җәмәгать хөкемдарлары Фидәлия Фәттахова һәм Венера Хәмидуллина эшли. Күп еллар дәвамында суд эшчәнлегенә тугры калып. Бүгенге көндә үз эшләренең осталарына әверелгән хезмәткәрләр күп. Нурия Каюмованың судтагы эш стажы - 22 ел. Ул канцелярия мөдире булып эшләүдән башлады, аннары хөкемдар ярдәмчесе булды, хәзер суд администраторы вазыйфасын башкара. II Дәрәҗә "Россия Федерациясе суд системасы алдындагы хезмәтләре өчен" медале һәм Татарстан Республикасы Суд департаменты идарәсенең Рәхмәт хаты белән бүләкләнде. Шулай ук баш белгеч Гөлчәчәк Хаҗиева канцелярия белән күп еллар дәвамында җитәкчелек итә. Суд системасында 20 елдан артык эшли. Намуслы, нәтиҗәле гражданлык хезмәте өчен Татарстан Республикасы Югары суды һәм Суд департаменты идарәсенең Мактау грамоталары белән бүләкләнде.

Уртак эшкә үз өлешләрен суд сәркатибләре Лилия Хәсәнова, Диләрә Егорова, Роза Нургалиева, мәгълүматлаштыру буенча баш белгеч Алсу Земцова, бинага хезмәт күрсәтүче эшче Мидхәт Фатыйхов, техник хезмәткәр Мәрьям Илтугановалар кертә. Хөкемдар ярдәмчеләре Олег Михайлов һәм Гөлнара Гарипова гадел хөкем итүдә бәяләп бетергесез ярдәм күрсәтәләр. Район суды коллективы судлар берләшмәсе тормышында актив катнаша. Гадел хөкем хезмәткәрләренең иҗадый сәнгать буенча беренче республика конкурсының зона этабында, спорт чараларында: ГТО нормаларын тапшырганда, милләт кроссында чаңгы эстафетасында җиңүче булды.

Соңгы 10 ел эчендә күп нәрсә үзгәрде, ил, төбәк, район тарихын чагылдыручы яңа категория эшләр барлыкка килде. Бер нәрсә генә үзгәрми: ярдәм сорап килгән кешеләргә карата коллективның мөнәсәбәте.