Коррупциягә каршы халыкара көрәш көне уңаеннан мәктәпләрдә күптөрле чаралар узды

*Коррупциягә каршы халыкара көрәш көне уңаеннан Зур Сәрдек гимназиясендә "Ришвәт - нәрсә ул?", "Законнарны беләсеңме?", "Намус кушканча яшәү" темаларына сыйныф сәгатьләре уздырылган, "Коррупциягә - юк" мәгълүмат стенды яңартылган.

*Югары Арбаш урта мәктәбендә югары сыйныф укучылары өчен коррупция темасына багышланган сыйныф сәгатьләре үткәрелгән, ә башлангыч сыйныфлар "Коррупциягә урын юк" дигән темага рәсемнәр ясаганнар. Шулай ук укучылар анкеталар тутырганнар.

*Урта Комар мәктәбендә Кукмара эчке эшләр бүлеге хезмәткәре Гөлназ Айсина белән очрашу уздырылган. Ул балалар белән коррупциягә каршы көрәш темасына әңгәмә үткәргән, Яңа ел бәйрәмнәрендә, кышкы каникул чорында бәхетсезлек очракларыннан саклану кагыйдәләре турында сөйләгән.

фото: http://www.dagmintrud.ru