Бетонболгаткычта 17 яшьлек үсмер үлгән

Уфаның Калинин районында бер оешмада бетонболгаткычта 17 яшьлек үсмер үлгән. Башкортстан Тикшерү комитеты әлеге факт буенча җинаять эше кузгаткан. Бу хакта "Российская газета" хәбәр итә.

"Башлангыч мәгълүматлар буенча балигъ булмаган үсмер әлеге оешмада рәсми рәвештә эшләмәгән. Җайланма кабынып киткән вакытта аның бетон ваклаган чагы булган. Факт буенча прокуратура тикшерү эше алып бара. Балигъ булмаган үсмерне куркыныч эшләргә тарту, куркынычсызлык техникасы сакланышы буенча оешма эшенә дә бәя биреләчәк", - дип җиткергән Башкортстан прокуроры ярдәмчесе Гүзәл Мәсәгутова.

http://tatar-inform.tatar