Атлас Булатов исемендәге паркта бәйрәмнәр үткәрелде (фото)

12 июнь - Россия көне уңаеннан Атлас Булатов исемендәге мәдәният һәм ял паркында Кукмара 3нче урта мәктәбе коллективы тарафыннан бәйрәм чарасы үткәрелде. Бу көнне паркка килгән балалар рәхәтләнеп төрле конкурсларда, уеннарда күңел ачсалар, өлкәнрәк буын сәхнәдәге концертны тамаша кылды. Берничә көн алда әлеге паркта Кукмара 4нче урта мәктәбе коллективы кичке Сабантуй оештырган иде. Сабантуйга олысы-кечесе җыелды. Бәйрәм кунаклары төрле спорт чараларында да катнаштылар. Бәйрәм җыр-бию белән дәвам итте.