Сергей Димитриев район газетасы хезмәткәрләрен һәм ветераннарын Россия матбугаты көне белән котлады

Кукмара районы башлыгы Сергей Димитриев «ВКонтакте» социаль челтәрендәге сәхифәсендә «Хезмәт даны» газетасы редакциясе хезмәткәрләрен һәм ветераннарын Россия матбугаты көне белән котлады.

«Хөрмәтле “Хезмәт даны” газетасы хезмәткәрләре һәм ветераннары!

Һөнәри бәйрәмегез – Россия матбугаты көне белән ихлас котлауларны кабул итегез! Һәр районда, шәһәрдә җирле массакүләм мәгълүмат чаралары аерым роль уйный. Аларга ышаналар, тыңлыйлар. Болар барысы да “Хезмәт даны” газетасына кагыла. Газета хезмәткәрләренә һәм ветераннарына сәламәтлек, иминлек һәм иҗади уңышлар, ә район газетасының максатчан һәм зирәк булып калуын телим!» - диелә котлауда.