Сәрдекбаш балалар бакчасында тәрбия дәресе узды (фото)

Сәрдекбаш авылы китапханәчесе Набиева Гөлназ "Ләйсән" балалар бакчасына йөрүче балалар белән "Язгы шәфкатьлелек атнасы - мәрхәмәтле эшләр эстафетасы" #ДОБРЫЙТАТАРСТАН#МӘРХӘМӘТЛЕТАТАРСТАН» акциясе барышында "Урманнар - безнең байлыгыбыз" дигән тәрбия дәресе үткәрде. Балаларга урманның файдалы яклары, аны сакларга кирәклеге турында сөйләнде. Урманда үсүче агачлар, үсемлекләр һәм анда яшәүче хайваннар турында табышмаклар чишелде, аларны танып-белү күнекмәләре булдырылды. Балаларга "Хәрефләрдән сүзләр төзү", "Нәрсә артык?" уеннары уйнатылды. Соңыннан аларга буяу өчен табигать темасы буенча рәсемнәр таратылды.