Өлгедә балалар өчен “Экологик ял” узды (фото)

Экология елы уңаенннан балаларның ялын файдалы итеп үткәрү максатыннан, Өлге авылы балалары өчен клуб һәм китапханә хезмәткәрләре тарафыннан ял оештырылды. Бу чараның максаты: балаларда туган як табигатен ярату хисе һәм аны сакларга омтылыш, экологик культура тәрбияләү. Чишмә янында уздырылган әлеге чарада балалар төрле кызыклы уеннар уйнадылар, ярыштылар. Салкын чишмә суыннан самовардан хуш исле тәмле чәй белән сыйланып алгач, китапханәгә кайткан яңа китаплар белән таныштылар, фикер алыштылар, чүпләрне җыештырдылар. Бу сәяхәт һәркемнең күңелендә онытылмаслык истәлекләр калдырды.
Китапханәче Салихова Альбина