“Урал” һәм “Рассвет”та сукачылар ярышы узды

Үткән атнада "Урал" хуҗалыгы һәм "Рассвет" агрофирмаларында сукачылар ярышы үткәрелде. Әлеге чарада "Урал"дан - 10, "Рассвет"тан 5 берәмлек техника катнашты. Алар арасында чылбырлы һәм тәгәрмәчле тракторлар да бар иде. Ярышта катнашучыларны район авыл хуҗалыгы һәм азык-төлек идарәсеннән килгән махсус комиссия тикшереп бәяләде. Механизаторлар барысы да ныклап әзерләнгәннәр иде. Иң яхшы сукачы исеменә "Урал" хуҗалыгыннан Ринат Фәләхов, Таһир Кәримуллин, "Рассвет" агрофирмасыннан Василий Семеновлар лаек булды, дип хәбәр итте район авыл хуҗалыгы һәм азык-төлек идарәсенең механизация бүлеге җитәкчесе Радик Саттаров.